මලල ක්‍රීඩා මුල් පුටු­වට බිමල්

ශ්‍රී ලංකා මලල ක්‍රීඩා සංගම‍යේ සභා­පති තන­තු­රට කොළඹ ආනන්ද විදුහ‍‍ලේ ආදි ශිෂ්‍ය බිමල් ප්‍රසන්න විජ­ය­සිංහ මහතා වැඩි ඡන්ද 23කින් තේරී පත්විය. ක්‍රීඩා අමා­ත්‍යාංශ ඩන්කන් වයිට් ශ්‍රව­ණා­ගා­ර­යේදී ඊයේ පැවති නිල­ව­ර­ණ­යේදී බිමල් ප්‍රසන්න මහතා ඡන්ද 61ක් ලබා­ගත් අතර, හිටපු ප්‍රවීණ මලල ක්‍රීඩක හා හිටපු මලල ක්‍රීඩා සභා­ප­ති­ව­ර­යකු වූ සුනිල් ගුණ­ව­ර්ධන මහතා ඡන්ද 38ක් ලබා ගත්තේය.

බිමල් විජ­ය­සිංහ පාර්ශ්ව­යෙන් ලේකම් තන­තු­රට ඉදි­රි­පත් වූ හිටපු මලල ක්‍රීඩා පුහු­ණු­කරු මාධව බණ්ඩාර සෙන­රත් මහතා ඡන්ද 64ක් ලබා ගත් අතර, වෛද්‍ය ධම්මික සේනා­නා­යක මහතා ඡන්ද 35කට සීමා විය. භාණ්ඩා­ගා­රික තන­තු­රට ගිණු­ම්ක­රණ විධා­යක නිල­ධා­රි­නි­යක වූ රසිකා නිලං­ගනී මහ­ත්මිය පත්වූ අතර, වසර 10කට වැඩි කාල­යක් මලල ක්‍රීඩා විධා­යක සභාව නියෝ­ජ­නය කළ ශාන්තලාල් ද සිල්වා මහතා උප භාණ්ඩා­ගා­රික තන­තු­රට නිත­ර­ග‍යෙන් තේරී පත්වීම විශේ­ෂ­ත්ව­යකි. මලල ක්‍රීඩා ක්‍රියා­කාරි කමි­ටු­වට ඡන්ද 38ක් ලබා ගත් ලාල් චන්ද්‍ර­කු­මාර මහතා ඉල්ලා අස්වූ­වේය.

මලල ක්‍රීඩා නිල­ව­ර­ණ­යට අනුව ලියා­ප­දිංචි අනු­බද්ධ ක්‍රීඩා සංගම් 39ක් ඉදි­රි­පත්වී සිටි­යද එයින් සංගම් 3ක ක්‍රියා­කා­රී­ත්වය තහ­වුරු වී නොමැති හෙයින් නිල­ව­ර­ණ­යට අදාළ ඡන්ද ගණන 36කට සීමා වී තිබේ.

මලල ක්‍රීඩා සංග­මයේ ඡන්ද ප්‍රති­ඵල මෙසේය.

සභා­පති (තන­තුරු 1යි) – බිමල් විජ­ය­සිංහ (ඡන්ද 61) සුනිල් ගුණ­ව­ර්ධන (ඡන්ද 38), ලේකම් – (තන­තුරු 1යි) – මාධව බණ්ඩාර සෙන­රත් (ඡන්ද 64) වෛද්‍ය ධම්මික සේනා­නා­යක (ඡන්ද 35), භාණ්ඩා­ගා­රික (තන­තුරු 1යි) – රසිකා නිලං­ගනී (ඡන්ද 63) රුවන් කුමාර (ඡන්ද 34), උප සභා­පති (තන­තුරු 2යි) – ජයන්ත ගාමිණී සිය­මු­දලි (ඡන්ද 59), ජගත් ඥාන­සිරි සිල්වා (ඡන්ද 53), ප්‍රසන්න ඉන්දික (ඡන්ද 32), නිමන්ත ජය­ති­ලක (ඡන්ද 32), උප ලේකම් – (තන­තුරු 1යි) – ඇලෝයි වික්‍ර­ම­සිංහ (ඡන්ද 56), සමීර පෙරේරා (ඡන්ද 40), උප භාණ්ඩා­ගා­රික – ශාන්තලාල් ද සිල්වා (නිත­ර­ග­යෙන්), සට­හ­න්කරු (තන­තුරු 1යි) – බණ්ඩාර සම­ර­කෝන් (ඡන්ද 64), ෂෙහාන් අඹේ­පි­ටිය (ඡන්ද 29), ක්‍රියා­කාරී කමි­ටුව (තන­තුරු 8යි) – නෙවිල් රොද්‍රිගු (ඡන්ද 57), ප්‍රසන්න කුමාර අළු­වි­හාරේ (ඡන්ද 57), ටෙනි­සන් සිරිවර්ණසිංහ(ඡන්ද 54), ගීතා නන්දනී (ඡන්ද 50), සුගත් කුමාර (ඡන්ද 50), වී. ඊස්ප­රම් (ඡන්ද 42), ගීත් මාන­වඩු (ඡන්ද 39), වසන්ත ෆොන්සේකා (ඡන්ද 38).