උණුසුම් පුවත්
අද
ක්රීඩා පුවත්
අද
නවතම පුවත්
අද
බක් පුර පසළොස්වක පෙහොය අදයි
බක් පුර පසළොස්වක පොහොය දිනය අදට (01) යෙදී තිබේ.
ලොව්තුරා බුදුරජාණන් වහන්සේගේ දෙවැනි ලංකා ගමනය සිදුව ඇත්තේ අද වැනි පොහොය දිනයක වීම විශේෂත්වයකි.
චූලෝදර – මහෝදර නා රජුන් අතර මැණික් පුටුවක් හේතුවෙන් ඇතිවන්නට ගිය ගැටුම නිරාකරණය කිරීමේ අරමුණ ඇතිව බුදුරදුන්ගේ දෙවැනි ලංකා ගමනය සිදු වූ බව ශාසන ඉතිහාසයේ සඳහන් වේ.
එමෙන්ම සිදුහත් කුමරු සතර පෙර නිමිතිවලින් පළමු පෙර නිමිත්ත වූ මහල්ලාගේ රුව දැක තිබුණේ ද බක්පුර පසළොස්වක පොහෝ දිනක බව ශාසන ඉතිහාසයේ සඳහන් වේ.
වී වගාව සඳහා පමණක් යූරියා පොහොර
මැදපෙරදිග පවතින අර්බුදකාරී තත්ත්වය හමුවේ මෙරට තුළ යූරියා පොහොර තොග සීමිත ප්රමාණයක් පැවතීම හේතුවෙන් වී වගාව සඳහා පමණක් යූරියා පොහොර ලබාදීමට ගොවිජන සංවර්ධන දෙපාර්තමේන්තුව තීරණය කර තිබේ.
විදුලි ගාස්තු සංශෝධනය පිළිබඳ දැනුම්දීම අද
මෙම වසරේ දෙවන කාර්තුවේ විදුලි ගාස්තු සංශෝධනය පිළිබඳ අවසන් තීරණය අද (30) දැනුම්දීමට නියමිතව තිබේ.
ශ්රී ලංකා මහජන උපයෝගීතා කොමිෂන් සභාව විසින් මෙම ගාස්තු සංශෝධනය පිළිබඳව දැනුම්දීමට නියමිතව ඇත.
ඒ අනුව අද පස්වරු 2.00ට පමණ දෙවන කාර්තුවේ විදුලි ගාස්තු සංශෝධනය පිළිබඳව එම කොමිෂන් සභාව විසින් නිල වශයෙන් දැනුවත් කිරීමටද නියමිතය.
පුනරුදය ආයුධයක් කරගත් පොල් ලොක්කා…..!
2024 සැප්තැම්බර් 21 වන දා මෙරට ජනතාව ඉතිහාසගත තීන්දුවක් ලබාදෙමින් වත්මන් ජනාධිපතිවරයා ප්රමුඛ ජාතික ජන බලවේගයේ රජයට සහය දැක්වූයේ නව රටක් පිළිබද බලාපොරොත්තු තබා ගනිමිනි. එතෙක් මෙතෙක් තනි අපේක්ෂකයෙකු ලෙස ජනාධිපතිවරණයකින් 44.32% ක බහුතර ඡන්ද බලයක් ලබාදනු ශ්රී ලාංකකියන්ගේ අපේෂාව වූයේ එතෙක් දශක ගණනාවක් තිස්සේ පැවති මජර දේශපාලන සංස්කෘතියට තිත තැබීමයි. ජනතාව පුනරුදය ලෙස බලාපොරාත්තු තැබූ ඒ වෙනස පුස්සක් වන්නේ ජනපතිවරයා විසින්ම පත්කළ ඇතැම් මැති ඇමතිවරුන් හා නිළධාරීන් දැන් දැන් පැරණි දේශපාලන සංස්කෘතිය පුරුදු පුහුණු කරමින් සිටින නිසාය.මේ කතාවට පාදක වන්නේද එවැනි සිදුවීමකි.
පොල් සම්බන්ධ ආයතනයක ඉහලම පුටුවක් හොබවන අපේ කතානායක වරයාගේ අදුරදර්ශී ක්රියා පිළිවෙත නිසා මේ වන විට සමස්ථ පොල් නිෂ්පාදන ක්ෂේත්රයම අවධානම් අඩියකට වැටී තිබේ.පොල් ආශ්රිත නිෂ්පාදන සම්බන්ධ ව්යාපාරයක නියැලී සිටි ඔහු එම ව්යාපාරය තුළ සිදුකළ අනුවන තීරණයන් නිසා එය බලාගෙන සිටියදී බිමට සමතලා වීය.පසුව විෂය භාර අමාත්යවරයාට සමීප වූ ඔහු පොල් සම්බන්ධ රජයේ ආයතනයේ අසවල් පුටුව තමාට ලබාදෙන ලෙස සිදුකළ ඉල්ලීම් හමුවේ අදාල අමාත්යවරයාද තම හිතවතා වූ මෙම පුද්ගලයාට අදාල තනතුර පිරිනමන ලදි.
අනතුරුව අවස්ථාවෙන් ප්රයෝජන ගන්නට මාන බැලූ මොහුට පිට පිට අලාභ ලැබූ සිය ව්යාපාරය ඔසවන්නට සිය තනතුර ආශිර්වාදයක් කරගන්නට මේ වන විට කටයුතු කරමින් සිටිනු ලබන බව පොල් නිෂ්පාදන ආශ්රිත කර්මාන්තය තුළ ප්රසිද්ධ රහසක් වී තිබේ.
ඒ අනුව තමාට ඇති බලතල යොදා ගනිමින් මේ පුද්ගලයා මේ වන විට සමූපකාරය සතුවූ ව්යාපාරයක්ද තම ව්යාපාර ගොන්නට එකතු කර ගැනීමට සමත්ව ඇත. එතැනින් නොනැවතුනු ඔහු විසින් පොල් ආශ්රිත නිෂ්පාදන සදහා වන බලපත්රයක් ද ලබා ගෙන ඇත.
ඔහුගේ මෙම ක්රියාකලාපය නිසා අධික මිලකට පොල් ආශ්රිත නිෂ්පාදන මිලදී ගැනීමට මෙරට ජනතාවට සිදුව ඇත. එපමණක් ද නොව ඔහු විසින් පොල්ආශ්රිත නිෂ්පාදන කර්මාන්තයම බිද වැට්ටවීම සදහා ගනු ලබන තීරණ නිසා ආණ්ඩුවද අපහසුතාවයට පත් වී ඇතත් ජනාධිපතිවරයා වෙත මේ පැමිණිල්ල යොමු නොවන්නේ අදිසි හස්තයක ආශිර්වාදය නිසාවෙනි. කෙසේ හෝ පොල් කර්මාන්තයේ නියැලී සිටින සමස්ත ව්යාපාරික ප්රජාව මෙන්ම අදාල රජයේ ආයතනයේ නිළධාරින්ගේ ද මතය වී ඇත්තේ මොහුගේ අදූරදර්ශී තීරණ මත ,තව කිහිප මසක් තුළ මෙරට පොල් නිෂ්පාදන ආශ්රිත කර්මාන්ත ක්ෂේත්රයට කණ කොකා හඩනු ඇති බවයි.
(විශේෂ ලියුම්කරුවෙකු විසිනි)
දසුන්ට-මුසරබානිට එරෙහිව පාකිස්තානයෙන් අනතුරු ඇඟවීමක්
ශ්රී ලංකා විස්සයි20 නායක දසුන් ශානකට හා සිම්බාබ්වේ වේග පන්දු යවන ක්රීඩක බ්ලෙසිං මුසරබානි ඇතුළු ක්රීඩකයන් කිහිපදෙනකුට එරෙහිව දැඩි නීතිමය ක්රියාමාර්ග ගන්නා බවට පාකිස්තාන ක්රිකට් සභාපති මොහ්සින් නක්වි ඊයේ අනතුරු ඇඟවීමක් කළේය.
මේ ක්රීඩකයන් දෙදෙනා ඇතුළු ලොව අති දක්ෂ ක්රිකට් ක්රීඩකයන් පාකිස්තාන සුපර් ලීගය (psl) අත්හැර ඉන්දීය ප්රීමියර් ලීග් තරගාවලියට එක්වෙමින් සිටින අතර, පාකිස්තානය සමඟ ඇති ගිවිසුම් කඩ කිරීම ඔවුන්ට එරෙහිව නීතිමය පියවර ගැනීමට හේතුවන බව පැවසේ.
ශ්රී ලංකාවේ දසුන් ශානක, සිම්බාබ්වේහි බ්ලෙසිං මුසරබානි, ඔස්ට්රේලියාවේ ජේක් ෆ්රේසර් මැගර්ක්, බටහිර ඉන්දීය කොදෙව් ක්රීඩක ගුර්කේෂ් මෝටි සහ ඔස්ට්රේලියාවේ ස්පෙන්සර් ජොන්සන් මෙලෙස පාකිස්තාන ක්රිකට් ලීගයට ක්රීඩා කිරීම අත්හැර ඉන්දීය ප්රීමියර් ලීග් ක්රිකට් තරගාවලියට එක්වීමට නියමිතය.
අලුතින් ගිවිස ගන්නා අයිපීඑල් කොන්ත්රාත්තු හේතුවෙන් කලින් අත්සන් කරන ලද පාකිස්තාන සුපර් ලීග් ගිවිසුම් කඩවන බව පැවසුවද ඒ සඳහා සාධාරණ හේතු පාකිස්තාන ක්රිකට් වෙත දැනුම් දීමට මේ ක්රීඩකයන් කටයුතු කර ඇතැයි වාර්තා වේ.
පසුගිය වසරේදී පාකිස්තාන සුපර් ලීග් තරගාවලියෙන් ඉවත්වී මුම්බායි ඉන්දියන්ස් සමඟ ගිවිසුම් අත්සන් කළ දකුණු අප්රිකානු ක්රීඩක කෝබින් බොෂ්ට වසරක තහනමක් හා දඩයක් පැනවීමට පාකිස්තාන ක්රිකට් ආයතනය පියවර ගත් අතර, එය සිහිපත් කරමින් පාකිස්තාන ක්රිකට් සභාපතිවරයා පැවසුවේ “පාකිස්තාන ලීගයෙන් ඉවත් වූ ක්රීඩකයන්ට එරෙහිව” නීතිමය පියවර ගන්නා බවයි.
පාකිස්තාන සුපර් ලීග් තරගාවලිය අනිද්දා (26) ආරම්භ වන අතර, තරගාවලිය මැයි 3 වන දින අවසන් වේ. ඉන්දීය ප්රීමියර් ලිග් තරගාවලිය මේ 28 වැනිදා ආරම්භ වී පළමු අදියර අප්රේල් 12 වැනිදා නිමාවට පත්වේ.
මේ අතර යුද තත්ත්වය හේතුවෙන් හටගෙන ඇති ගෝලීය බලශක්ති අර්බුදයට මුහුණ දීම සඳහා පාකිස්තාන සුපර් ලීග් තරගාවලිය ක්රීඩාංගණවල දොරවල් වසා පැවැත්වීමට තීරණය කර තිබේ. නරඹන්නන් නොමැතිව පැවැත්වෙනවා පමණක් නොව, ගමන් වියදම් සහ ඉන්ධන ඉතිරි කර ගැනීම සඳහා තරගාවලියේ විෂය පථය ද අඩු කර ඇත.
ඉන්ධන පිරිවැය ඉතිරි කර ගැනීම සඳහා ෆයිසලාබාද්, මුල්තාන්, රාවල්පින්ඩි සහ පෙෂාවර් යන නගර සත්කාරක ලැයිස්තුවෙන් ඉවත් කර මුළු තරගාවලියම ලාහෝර් සහ කරච්චි නුවරදී පමණක් පැවැත්වේ. මේ 25දා පැවැත්වීමට නියමිතව තිබූ මහා සමාරම්භක උත්සවය පවා අවලංගු කර ඇත.
මහින්ද්රා අයිඩියල් මෝටර්ස් EXCELLENCE AWARDS සම්මාන උලෙළ සාර්ථකයි
ඉන්දියාවේ මහින්ද්රා ඇන්ඩ් මහින්ද්රා සමාගමේ වාහන, අමතර කොටස් සහ අලෙවියන් පසු සේවා සපයන අයිඩියල් මෝටර්ස් සමාගමේ අලෙවි නියෝජිතයන් සහ අනිකුත් පාර්ශ්වකරුවන් ඇගයීමේ උත්සවයක් මහත් උත්කර්ශවත් අන්දමින් පසුගියදා පවත්වන ලදි.
වැලිසර පිහිටි Wave n’Lake Banquet Hall & Restaurant හි දී මහින්ද්රා අයිඩියල් මෝටර්ස් EXCELLENCE AWARDS සම්මාන උලෙළ පැවැති අතර ඒ සඳහා අයිඩියල් මෝටර්ස් සමාගමේ නිර්මාතෘ සහ සභාපති නලින් වෙල්ගම, කළමනාකාර අධ්යක්ෂිකා සහ ප්රධාන විධායක නිලධාරිනී ඩිලානි යටවක, නීති සහ ආයතනික කටයුතු අධ්යක්ෂිකා නිමිෂා වෙල්ගම, ඉන්දියාවේ මහින්ද්රා ඇන්ඩ් මහින්ද්රා සමාගමේ ජාත්යන්තර මෙහෙයුම්, ඔටෝ අංශයේ ප්රධානී සචින් අරොල්කා, ජාත්යන්තර මෙහෙයුම් සහ පාරිභෝගික සේවා ප්රධානී මෝටර් රථ අංශය, මහින්ද්රා සහ මහින්ද්රා සෙන්තිල් සෙල්වරාජු ඉන්දියාවේ මහින්ද්රා ඇන්ඩ් මහින්ද්රා සමාගමේ දේශීය ප්රධානි සුජීත් ජයන්ත්, ඉන්දියාවේ මහින්ද්රා ඇන්ඩ් මහින්ද්රා සමාගමේ දේශීය සේවා ප්රධානී ශිතම් කුන්දු යන විශේෂ ආරාධිත අමුත්තන් සහ අයිඩියල් මෝටර්ස් සමාගමේ වාණිජ වාහන අලෙවි අංශයේ සාමාන්යාධිකාරි කසුන් ප්රනාන්දු, අමතර කොටස් හා සැපයුම් නියෝජ්ය සාමාන්යාධිකාරි සමීර බමුණුආරච්චි, අලෙවියෙන් පසු තාක්ෂණික මෙහෙයුම් නියෝජ්ය සාමාන්යාධිකාරි ප්රසන්න මනම්පේරි ඇතුළු නිලධාරීන් පිරිසකගේ ප්රධානත්වයෙන් අති උත්කර්ෂවත් අයුරින් පැවැත්විණි.
EXCELLENCE AWARDS සම්මාන උලෙළේ දී පළාත් මට්ටමින් මෙන්ම ජාතික මට්ටමින් හොඳම අලෙවි නියෝජිතයන් ඇගයීමට ලක්කළ අතර සම්මාන, කුසලතා සහතික මෙන්ම මුදල් ත්යාග ද පිරිනැමුණි.
කිරිපිටි තිරිඟු පිටි මිල නංවන්නේ නෑ
ඉන්ධන මිල ඉහළ යාමෙන් ගැටලුකාරි තත්ත්වයන් මතු වුවද ආනයනික කිරිපිටි සහ තිරිඟු පිටි මිල මේ මොහොතේ ඉහළ නොදමන බවට කිරිපිටි ආනයනකරුවන් සහ තිරිඟු පිටි සමාගම් වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ මහතා සමඟ පැවැති සාකච්ඡාවකදී ඊයේ (23) සහතික විය.
ඒ අනුව
තවත් මාස තුනක කාලයකට ප්රමාණවත් ආනයනික කිරි පිටි හා තිරිඟු පිටි තොග පවතින බැවින් සිංහල හා දෙමළ අලුත් අවුරුදු සමය අවසන් වන තෙක් කිසිදු ආකාරයක මිල වැඩි කිරිමක් සිදු නොකරන බවටද ආනයනකරුවෝ සහ සමාගම් නියෝජිතවරු මෙහි දී ඇමැතිවරයා හමුවේ පැවැසූහ. පවතින යුදමය තත්ත්වය හේතුවෙන් සැපයුම් හා බෙදාහැරීමේ ජාලයන්ට එල්ල වී ඇති බලපෑම් හා අඛණ්ඩ සැපයුමක් පවත්වා ගෙන යාම පිළිබඳ සාකච්ඡා කිරීම සඳහා මෙම සාකච්ඡාව අමාත්යංශයේදී පැවැත්විණි. ඉන්ධන මිල ඉහළ යාම සහ ඩොලරයේ අගය තම නිෂ්පාදන පිරිවැයට යම් බලපෑමක් එල්ල කළ ද මෙම අසීරු අවස්ථාවේ ජනතාව වෙනුවෙන් රජය සමඟ එක්ව ජනතාවට යම් සහනයක් ලබාදීම අපේක්ෂාව බව ඔවුහු කීහ.
ඉන්ධන කෝටාව නිසා බෙදා හැරීම්වලට බලපෑම් එල්ල වී ඇති බව ආනයනික කිරි පිටි හා තිරිඟු පිටි සමාගම් මෙහිදී අමාත්යවරයාට පෙන්වා දුන් අතර ආහාර බෙදා හැරීමේ ක්ෂේත්රයේ නියුතු ප්රවාහන සේවා සපයන්නන්ගේ ඉන්ධන අවශ්යතා හඳුනා ගැනීමට සහ එම අංශයේ සැලසුම්කරණය විධිමත් කිරීම අරමුණු කර ගනිමින් හඳුන්වා දුන් විශේෂ දත්ත රැස්කිරීමේ වැඩසටහනට ලියාපදිංචි වන ලෙස අමාත්යවරයා සමාගම් වෙත උපදෙස් දුන්නේය.
මෙම සාකච්ඡාවට අමාත්යාංශ ලේකම් කේ.ඒ. විමලේන්තිරරාජා, අතිරේක ලේකම් ගිල්මා දහනායක, වෙළෙඳ හා පර්යේෂණ අංශයේ අධ්යක්ෂ කුමුදු මීගහගේ මෙන්ම පාරිභෝගික අධිකාරියේ සභාපති හේමන්ත සමරකෝන්, ලංකා සතොස සභාපති රවීන්ද්ර ප්රනාන්දු, සමුපකාර තොග වෙළෙඳ සංස්ථාවේ සභාපති කෝසල විල්බාව මහත්වරු ඇතුළු නිලධාරි පිරිසක් සහභාගි වූහ.
දසුන් ශානක රාජස්ථානයට
2026 වසරේ ඉන්දීය ප්රිමියර් ලීග් තරගාවලියේ රාජස්ථාන් රෝයල්ස් කණ්ඩායම වෙනුවෙන් දසුන් ශානක කැඳවා තිබේ.
ඒ, ආබාධයකයකට ලක්ව සිටින සෑම් කරන්ගේ ආදේශකයක් ලෙසිනි.
සෑම් කරන්ගේ අහිමිවීම කණ්ඩායමට විශාල පාඩුවක් බව එහි අධ්යක්ෂ කුමාර සංගක්කාර සඳහන් කර ඇත.
කණ්ඩායමේ සමබරතාවය රැකගැනීමේ අරමුණින් දසුන් ශානක කණ්ඩායමට කැඳවීමට තීරණය කර ඇති බවට තොරතුරු වාර්තා වෙයි.
මෙරට රන් මිල රු 38,000කින් පහළට
ලෝක වෙළෙඳපොළ තුළ රන් මිලට සාපේක්ෂව මෙරට රන් මිල අද දිනයේ ද රුපියල් 5,000කින් පහළ ගොස් ඇති අතර එය පසුගිය සතියට සාපේක්ෂව රු 38,000ක පමණ පහළ යෑමකි.
ඒ අනුව, පසුගිය සතියේ 17 වනදා රුපියල් 408,000ක් ලෙස සඳහන් වූ කැරට් 24ක රන් පවුමක මිල අද (24) රුපියල් 370,000ක් ලෙස සඳහන් වෙයි.
මේ අතර, පසුගිය සතියේ 17 වනදා රුපියල් 375,300ක් වූ කැරට් 22 රන් පවුමක අද දින රුපියල් 340,400 ක් ලෙස සඳහන් වෙයි.
ඊයේ දිනයට සාපේක්ෂව ලෝක රන් මිල අද දිනයේ ද පහළ ගොස් ඇති අතර, ඒ අනුව අද දිනයේ රන් අවුන්සයක මිල ඩොලර් 4,344ක් ලෙස දැක්වුණි.
කොලාම්බියානු හමුදා ගුවන් යානයක් කඩා වැටෙයි – 34ක් මරුට
කොලොම්බියානු ගුවන් හමුදාවට අයත් ගුවන් යානයක් කඩා වැටීමෙන් සිදුවූ අනතුරකින් පුද්ගලයින් 34 දෙනෙකු මියගොස් තිබේ.
තවත් 80කට වැඩි පිරිසක් තුවාල ලබා ඇති බව විදෙස් මාධ්ය වාර්තා කළේය.
හමුදා නිලධාරීන් ප්රවාහනය කරන හර්කියුලිස් වර්ගයේ ගුවන් යානයක් කොලොම්බියාවේ දකුණු ප්රදේශයේ දී ඊයේ අනතුරට පත් වු අතර අනතුර සිදුවන අවස්ථාවේ යානයේ හමුදා නිලධාරීන් 114 දෙනෙකු සහ කාර්ය මණ්ඩලය 11 දෙනෙකු සිට ඇති බව සඳහන්ය.