කිංග්ස්වුඩ් වසර 68කට පසු කන්ද උඩ­රට සුලෝ­හිත සංග්‍රා­මය දිනයි

කවිජ ගම­ගේගේ තුන් ඉරි­යව් දස්කම් හේතු­වෙන් මහ­නු­වර ධර්ම­රාජ විදු­හ­ලට එරෙ­හිව පැවති 119 වැනි කන්ද උඩ­රට සුලෝ­හිත සංග්‍රා­මය වාර්ෂික මහා ක්‍රිකට් තර­ගය ලකුණු 148කින් ජය ගැනී­මට මහ­නු­වර කිංග්ස්වුඩ් විදු­හල සමත් විය.

මේ තර­ගයේ ජය කිංග්ස්වුඩ් විදු­හල සතු වූයේ වසර 68කට පසුව වීම කැපී පෙනෙන අතර, ඔවුන් අව­සන් වරට මේ තර­ගය ජය ගෙන තිබුණේ 1958 වස­රේ­දීය.

අස්ගි­රිය ක්‍රීඩාං­ග­ණයේ පැවති මේ තර­ග­යේදී කිංග්ස්වුඩ් පිල පළමු ඉනිම වෙනු­වෙන් ලකුණු 226ක් රැස් කළ අතර, ධර්ම­රාජ පළමු ඉනිම ලකුණු 160කට සීමා විය. ලකුණු 66ක් ඉදි­රි­යෙන් දෙවැනි ඉනිම ඇරඹූ කිංග්ස්වුඩ් පිල කඩුලු 4ක් දැවී ලකුණු 248ක් ලබා සිටි­යදී ඉනිම අත්හි­ටු­වූයේ ධර්ම­රා­ජ­යට ලකුණු 315ක ඉල­ක්ක­යක් ලබා දෙමිනි. එම ඉල­ක්කය හමුවේ ඔවුන්ට සිය­ල්ලන් දැවී රැස් කළ හැකි වූයේ ලකුණු 166ක් පමණි.

මේ තර­ග­යේදී කැපී පෙනෙන දස්කම් දැක්වූ ශ්‍රී ලංකා යොවුන් කණ්ඩා­යමේ උප නාය­කයා ලෙස කට­යුතු කරන කවිජ ගමගේ කිංග්ස්වුඩ් පළමු ඉනිමේ ලකුණු 112ක් සහ දෙවැනි ඉනි­මේදී නොදැවී ලකුණු 100ක් රැස් කිරී­මට සමත් වූ අතර, පන්දු යැවී­මේදී ඉනිම දෙකේදී කඩුලු 8ක් දවා ගැනී­මට ද සමත් විය. කිංග්ස්වුඩ් දෙවැනි ඉනි­මේදී ආදිල් ශෙරිෆ් ලකුණු 71ක් රැස් කළ අතර, පන්දු යැවී­මෙන් කවි­ජට අනගි සහ­යක් දුන් කෙනුල පිහි­ලි­යන්ග පළමු ඉනි­මේදී ලකුණු 42කට කඩුලු 5ක් සහ දෙවැනි ඉනි­මේදී ලකුණු 54කට කඩුලු 6ක් දවා ගැනී­මට සමත් විය.

ධර්ම­රාජ පිල වෙනු­වෙන් මන්දිල් ගුණ­ව­ර්ධන ලකුණු 59ක් රැස් කළ අතර, ශෂිත බණ්ඩාර කිංග්ස්වුඩ් පළමු ඉනි­මේදී කඩුලු 5ක් දවා ගත්තේය.